<$BlogRSDUrl$> Teljari

mánudagur, nóvember 15, 2004

Heiti þessarar síðu nú um stundir A'bus d'un Droit er franskt lagahugtak sem best mætti snara á ástkæra ylhýra sem misnotkun laga eða misnotkun réttar.

Heitinu var slegið fram í hálfkæringi einhvern tímann mér leiddist í vor sem leið.

Mér hins vegar varð hugsað til þessa hugtaks þegar eftirfarandi yfirlýsing samtakanna Heimils og Skóla birtist á mbl.is rétt í þessu: ,, Heimili og skóli harma það að kennarar hafi ekki mætt í stórum stíl til vinnu í dag. Samtökin hafa skilning á þessari erfiðu stöðu sem kennarar eru í en landslög ber ætíð að virða, hversu ósanngjörn sem þau kunna að vera."

Mér fávísum varð hins vegar þessi kokhrausta yfirlýsing samtakanna að nokkru umhugsunarefni. Er það þannig að landslög beri alltaf að virða, hversu ósanngjörn sem þau eru?

Hvurslags fullyrðingagleði og besservismus er þetta eiginilega?

Fyrir okkur sem ofbýður vinnubrögð og atlaga Alþingis gagnvart atvinnufrelsi og samningsfrelsi ættu samtök kverúlanta í hópi foreldra og félagsmálafríka að sýna þá lágmarksvirðingu að halda sér saman!







|

föstudagur, ágúst 13, 2004

Jónas frá Hriflu reikar um á netinu.





|

miðvikudagur, ágúst 04, 2004

Í gær að staðartíma tilkynnti ungfrú Helga Árnadóttir um framboð sitt í embætti formanns Heimdallar og opnaði vefsetur um framboðið.
Ég er búinn að þekkja Helgu öldum saman. 1988 bar fundum okkar fyrst saman um svipað leyti og ríkisstjórn Þorsteins Pálssonar hrökklaðist frá völdum og vinstri stjórn Denna tók við. Ég man þó ekki eftir að Helga hefði fjallað um það sérstaklega, eða verið súr yfir auknum skattaálögum og grútarbræðsluhagfræði Ólafs Ragnars.
Skömmu síðar, eða á bolludaginn 1989, sló Helga hins vegar í gegn í kvöldfréttatíma sjónvarps ríksins, þar sem Helgi H. Jónsson átti við hina viðtal um heimabakaðar bollur sem hún kom með í skólann í tilefni þessa merkisdags. Við hinir minni spámenn sáumst hins vegar aðeins í fjarska með stór hvít krókódíla-gleraugu!
Síðan eru liðin mörg ár böðuð hvítvínsmóðu, heitum deilum um hlutverk ríkisútvarpsins og Heiðar, einkavæðingarfasa gangstéttanna, serenaða í NY, og Vodka Tonic á Mercer.
Helga er mikill mannasættir og frábær í samstarfi. Það er kostur sem mun nýtast henni vel í komandi baráttu.

|

þriðjudagur, júlí 27, 2004

Ég hef verið í blogghléi upp á síðkastið, það hefur bara verið alltof mikið að gera í vinunni, að þegar maður kemst loksins út hefur maður bara  ekki andlega krafta til þess að þvaðra og blaðra um lífið og tilveruna.

Lítið og fátt að frétta.  Um fréttnæmt efni og fyndið vísa ég til  færslu sérans þann 27. júlí

En nú verður gerð bragarbót hér á og uppfærður listi yfir afrek mín þetta vorið og  sumarið:

1. Fór til Danmerkur í maí. 
2. Varð ( ásamt fimm öðrum!) Norðurlandameistari í málflutningi. 
3. Fann Guð í alheimsgeimi og Guð í sjálfum mér.
4. Mætti fáránlega overdressed á fimm ára Reunion.  Var greinilega ú þeirri lögvillu að mér hefði annað hvort verið boðið á  árshátíð starfsmanna breska stjórnarráðsins eða í tvífarakeppni Björgólfanna.
5.  Mætti í 6 útskriftarveislur þann 24. júlí sl. og eina móttöku.
6. Fór loksins á fyllerí með séranum-og stakk hann af síðla nætur.  Dejavu sem sagt!
7. Hef aðeins farið þrisvar í bærinn að skemmta mér-enda fátt þar að finna
8. Fór í eitt brúðkaup og varð ekki ofurdrukkinn.
9. Flokkaði atkvæði í forsetakosningunum.
10. Flokkaði sokkana mína.
11. Er búinn að eyða þremur vinnuvikum samtals í umræður um fjölmiðlafrumvarpið-guði sé lof að þessari umræðu er lokið.

 
Svo mörg voru þau orð

 


|

miðvikudagur, júlí 07, 2004

Ég held að það sé ekki hægt að komast lengra í endemisvitleysu og útúrsnúningi á stjórnarskrá en hér er gert.

Stjórnarskrá mælir fyrir um ríkiskirkju, er það í samræmi við trúfrelsi sem hún boðar líka, í jafnræðisreglunni er gert ráð fyrir mismunun, friðhelgi eignarréttar má skerða með almennum takmörkunum, friðhelgi einkalífsins er meginregla sem þó má komast fram hjá og svo framvegis.

Þegar rætt er um 26. gr STSKR er líkt og sumir lögspekingar setji upp júridískan lepp fyrir augað þegar fræðigreininina lögfræði ber fyrir auga. Pólitískar skoðanir manna bera rökbundnar lögfræðilegar niðurstöður ofurliði.

Í stað þess að skýla sér-eins og þjófur á nóttu-bak við lögskýringar og lögfræðina þegar rökin byggjast á pólitískum grunni, eiga menn að sýna lögfræði sem fræðigrein þá viðingu að sökum þess að þeim hugnast ekki málskotsréttur forseta, hvort sem er vegna pólitískra skoðana eða stundarhagsmuna, að blanda JURA ekki í málið.

Grein, svo sem ég visa hér til hér að ofan, verður því að flokka sem lögfræðilega óskhyggju af verstu gerð.





|

föstudagur, júní 25, 2004

Góðir Íslendingar, ágætu bræður í Kristi og friði!

Fólkið velur forsetann!

Valið um hver á að gegna embætti forseta Íslands hefur aldrei skipt jafn miklu máli og nú. Skálmöld og skeggöld geisar í heimi hér og því þarf sterkan mann til þess að leiða þjóðina á ögurstundu.

Ástþór Magnússon hefur hafnað hefbundnum flokkadráttum og þeirri helgislepju sem leikur um embætti forseta Íslands. Hann hefur eitt markmið og það er friður-alheimsfriður.

Ástþór Magnússon hefur gefið það út að hann muni nýta embætti forseta Íslands til góðra og göfugra verka, hljóti hann brautargengi. Hann mun leggjast gegn hvers konar stríðs-og vígvéla rekstri og veita ráðamönnum í stríðshug, hérlendis sem erlendis verðuga áminningu. Hann mun sameina þjóðina og stuðla að friði.

Ástþór Magnússon er eini frambjóðandinn sem er með göfuga hugsjón í þessari kosningabaráttu. Ástþór vill gera sitt til þess að stuðla að friði í heiminum, bræðrakærleik, skilningi og ást í því fjölmenningarsamfélagi sem heimurinn er. Hann vill fá friðargæslu inn í landið og að Ísland fái status eins og Svíþjóð og Noregur a la Trygve Lie og Folke Bernadotte, Raoul Wallenberg og Dag Hammarskjöld.

Það er göfugt. Fólkið velur forsetann, gegn flokksræðinu og því eigum við að kjósa Ástþór Magnússon, hann er maður friðarins og fólksins.

Hver vill forseta sem situr og rær á friðarstólnum milli þess sem hann keyrir til Reykjavíkur til þess að borða eitthvað smálegt og hlýða á grútleiðinlega ómerkilega fyrirlestra eða opna álíka sýningar.

Hver vill forseta sem er eins konar sölumaður sem agiterar fyrir íslenskum vörum? Slíkt er óviðing við embættið og hneyksli. Ég sé í anda Harald Noregskonung agitera fyrir Knorr súpum og Lopakexi í opinberum heimsóknum. Sveiattan.

Nei, kominn er tími til þess að kjósa alvöru forseta og forseta með hugsjón. Ekki gróðursetjandi, silfurpantandi, skálandi fílabeinsturna eins og þjóðin hefur verið plötuð til þess að velja sl. 60 ár.

Þess vegna styð ég, þess vegna styður þjóðinm, þess vegna styður heimurinn allur Ástþór Wiium Magnússon og hina glæsilegu frú Nataliu til embættis forseta Íslands. Megi ferill þeirra verða sem glæstastur í eilífri baráttu þeirra fyrir friði um vora tíma.


( Ávarp sem ég flutti á stuðningsmannafundi Ástþórs Magnússonar í byrjun júní)
|

mánudagur, júní 07, 2004

Um málskotsrétt forseta!

Svo það sé ljóst í sambandi við fyrri færslu mína þá er enginn raunverulegur ágreiningur milli allra fræðimanna um hvort forseti Íslands hafi formlega heimild til þess að synja lögum staðfestingar.

Ég er, í sannleika sagt, orðinn frekar þreyttur á að heyra í ákveðnum stjórnmálamönnum-góðum og gegnum stjórnmálamönnum-halda því fram að vafi leiki á því hvort 26. gr. veiti forseta málskotsrétt. Og sjá síðan fylgispaka meðreiðarsveina lepja órökstuddar fullyrðingar upp og básúna þeim sem fullgildum staðreyndum og óumbreytanlegum reglum. Já eða jafnvel tala um að skýra þurfi regluna til þess að koma í veg fyrir túlkunarvandamál! Túlkunarvandamál.

Þór Vilhjálmsson og Þórður Bogason teljast seint til mikils meirihluta fræðimanna eða þess hluta sem rétt hefur fyrir sér. Greinar þeirra virðast hafa það að markmiði að breyta réttarástandi með rökum gegn eðli og áhrifum reglunnar í staðinn fyrir að hnekkja því að reglan sé formleg heimild til handa forseta. Í lögfræði heitir þetta að skilja ekki á milli þess sem nefnt hefur verið æskileg regla og gildandi regla.

Ef menn vilja breytingu þá breyta menn formlega. Aðferðin á ekki að vera sú að menn rangtúlki stjórnarskrána og reyni að fá almenning til þess að kaupa köttinn-eða svínið!- í sekknum.

|

This page is powered by Blogger. Isn't yours?