<$BlogRSDUrl$> Teljari

mánudagur, mars 22, 2004

strong>Verðbólga

Ég á gamla frænku sem óttast ekkert meira en verðbólgu og víxlverkan kaupgjalds og verðlags. Gamla frænka mín-sem heitir reyndar ekki Ingeborg-hræðist ekkert meira en myndir af þeim kumpánum Lúðvík Jósefssyni, Ólafi Jóhannessyni, Steingrími Hermannssyni Hjörleifi og Svavari enda fer hún þá óðar að hugsa um alla péningana sína ( spariféð) sem kastað verður á verðbólgubálið og misvísir vinstrimenn taka að láni í bönkunum og eyða í kommúnísk áróðurs-og innrætingarrit eða eitthvað sem er enn þá verra það er ríkisrekna stóriðju og nýsköpunartogara.

Gott og vel, þess vegna dýrkar frænka mín Davíð, enda vill hún meina að þá fyrst hafi kaupmáttur og dýrð samfélagsins aukist þegar Davíð tók við og verðtryggði innlán og útlán með breytilegum vöxtum svo útlánastofnanir gætu bæði haft axlabönd og belti í samskiptum við lántaka sína.

Það eina sem þessi gamla frænka mín kvartar yfir er þessi nánast ,,skipulega glæpastarfsemi" bankanna sem lána einstaklingum péninga þangað til þeir eru sokknir yfir axlir í neyzluskuldum og þá eru teknar af þeim barnabætur og lifibrauð og blokkaríbúðin seld hæstbjóðanda á uppboði. En þó eru tímarnir í dag betri en verðbólgutímabilið forðum.

Einmitt.

Merkilegt er þó að þrátt fyrir að verðbólga hafi sjaldan verið lægri-í góðæri- eins og verið hefur á upp á síðkastið virðist einskonar verðbólga eða gengisfelling geysa í hugtakanotkun þjóðarinnar. Hér má sem dæmi nefna til dæmis viðskiptafræði sem áður þótti gott próf, það er eitthvað sem menn læra í bréfaskóla eða bara á netinu: Lögfræði þótti áður merkilegt fyrirbæri og ,,gott embættispróf" en í dag virðist lögfræði í hugum almennings og þeirra sem bjóða vilja upp á nám í lögfræði samanstanda af orðunum: ,, þarfagreining, hópvinna, bókasafnsfræði og upplýsingaleit" í stað þess að byggjast upp á góðum grunni í regluverki þjóðarinnar.

Þó virðist mér við lauslega könnun á verðbólgu meðal hugtaka orðið framkvæmdastjóri vera það hugtak sem mest hefur fallið í verði á undanförnum mánuðum. Nýstofnað félag sem berst gegn því hróplega óréttlæri, að vinstrisinnaðar afætur skuli ekki hafa kostnaðarvitund þegar kemur að háskólanámi, heldur sitji aðeins og prjóni mussur í tréklossum lesandi Sartre og annað eins jesúsbull og vitleysu, og greiði skólagjöld til samfélagsins sem það hefur alið með kurt og pí eins og annað almennilegt fólk er með framkvæmdastjóra. Og meira að segja ritara og gjaldkera líka.

160% verðbólga á ársgrundvelli minnir mig að hafi verið þegar ríkisstjórn Gunnars Thoroddsen fór frá 1983.

Ef sami verðbólgustigi væri notaður til þess að mæla huglægt gengisfall þess að félag sem berst gegn vinstrisinnuðum afætum í hugvísindum og öðrum ruglugdöllum skuli í raun og veru hafa framkvæmdastjóra væri slíkt gengisfall ekki mælt í hundruðum, þúsundum heldur hundruðum þúsunda ef ekki milljónum á ársgrundvelli.

Að minnsta kosti ef borið er saman við framkvæmdastjóra Pharmaco, framkvæmdastjóra viðskiptabankanna og framkvæmdastjóra félags sem er ekki neitt, nema nokkrir firrtir hægrimenn sem ákveðið hafa að berjast fyrir skólagjöldum án þess að fá nokkurt endurgjald frá ríkinu í staðinn í formi lægri skatta eða álaga sbr. lífið er vor góða móðir, sem dýrar gjafir gaf oss, en ríkið er vor stóri bróðir sem tók þær allar af oss.

En hver er ég að gagnrýna eða fetta fingur út í þörf félags sem best mætti geyma í skrifborðsskúffu milli kjaftafunda á kaffihúsum, á því að ráða sér framkvæmdastjóra.
Og auðvitað er það gott á CV að hafa verið framkvæmdastjóri, sama í hvaða smáfélagi um er rætt, þegar sækja þarf um gott starf síðar á lífsleiðinni. Og það má ekki gleymast að slíkt lítur vel út í Alþingismannatali, ásamt digurri þverslaufu og sléttgreiddu hári.


|

mánudagur, mars 15, 2004

Baldvin Þorsteinsson strandar, í kolvitlausu veðri á sandbyng við Kirkjubæjarklaustur. Skipstjórinn var bara að veiða loðnu og festi bévítans trollið í skrúfunni

TM menn skjálfa á beinunum, enda sjá þeir fyrir sér enn eitt stórrtjónið og hækkun á kjörum endurtygginga og kveða Báð? Killian og félaga á staðinn til björgunar. Til vonar og vara leigja þeir gríðarlega öflugt dráttarbátskríli til þess að draga skipið út.

Fengið er sérstakt tóg margra tonna til þess að draga dallinn út og stórvirkar gröfur eru tengdar skipinu til þess að halda því föstu enda brimar við sandbynginn.

En ekki er nóg með þa-viðtöl birtast við alla sérfræðinga sögu héraðsins og strönd á Meðallandsfjörum frá byggð og landnámi héraðsins-gott ef Ingólfur lenti ekki ? vandræðum með knörr sinn akkúrat á sömu slóðum þegar hann kastaði út öndvegissúlunum frægu. Sægur af draugaskipum, koníaksduggum og fransmönnum með fransós og álíka geðslega sjúkdóma eru allt í einu orðnar hip og kúl og fjölmiðlamenn leggja við hlustir svo eyrun blaka og bulla síðan með bleki eða í myndavélar það sem þeir heyrðu.

Niðurstöðu fræðimannanna má draga saman á þann veg að er mikil hætta sé á strandi fari menn of nálægt sandbyngjum í grynningum í vitlausu veðri og brimi.

Og síðan til þess að bíta höfuðið af skömminni og allri bölvaðri þvælunni birtist viðtal við flugstjóra Landhelgisgæslunnar, þar sem sagt er frá því að forfaðir hans hafi strandað þarna einmitt í sömu fjörunni í upphafi 19. aldar og hinn franski forfaðir hans hafi forfært heimasætu á nálægum bæ svo níu mánuðum síðar tók hún jóðsótt-meðan fjöllin fengu fæðingarhríðir! ,,Eruð þið báðir að fermast frændurinir, hvílík tilviljun og en gaman og skemmtilegt!” Fer víst nærri að niðjar hennar séu nú orðnir mörg þúsund ef ekki fleiri hundrud þúsunda og heiti flestir ef ekki allir Benóný?. Mogginn getur þess sérstaklega að í upphafi 19. aldar hafi ekki verið til neinar þyrlur til þess að bjarga skipbrotsfrökkunum. Takk fyrir þessa merkilegu athugasemd og löngu tímabæra kennslu í tæknisögu

Það þykir og fréttnæmt í þessu sambandi að gírkassi í TF-LíF brotanði við björgunaraðgerðir svo senda þurfti hann express til Stavanger til konunglegu norsku þyrlubjörgunarsveitarinnar í vðgerð

Það þykir frættnæmt að áætlunarferðir eru milli lands og skips á sandbingnum með áhöfn skipsins-en óljóst hvort hópefli og áfallahjálp sé í gangi um borð eða hvort verið sé að gera að þessu gríðarstóra loðnukasti sem kostaði stand á sandbing!

Og hverju er ég nú að gleyma-hvað er ömurlegast við þessa heimóttarlegu skítafréttamennsku. Jú að sjálfsögðu fréttin um það að umhverfisráðherra heimsótti strandstaðinn. Sjálf Siv Friðleifs sem nú háir harðvítuga innansveitarkróniku og baráttu við húskarla framsóknarflokksins sá sér leik á borði til þess að slá eina þrusu pólitíska keilu. Var æst í viðtal með púkalegan leðurbakpoka og 15 metra langan rauðan viðhafnardregil um hálsinn og talaði um :,, að það væri bara allt í lagi að henda þessari loðnu í sjóinn til þess að létta dallinn sko og sérfræðingar ráðuneytisins sætu á Hótel Vík á dagpeningum í stífum fundarhöldum um loðnuna, já já bara hið besta mál".

Mál er að linni og þessi ekkifrétt fari að renna sitt skeið. Maður bíður eftir æsifréttum um að Baldvin sitji fastur, enn fastir og alltaf fastur, þangað til einhverjum snillingnum dettur í hug að búta flaggskip íslenska flotans í brotajárn og við getum snúið okkur alróleg og sæl að hinu mikla og vandasama úrlausnarefni sem er flóðlýsing Gullfoss aftur.

|

mánudagur, mars 08, 2004

Ég tók til í tenglasafninu áðan og er núna búinn að bæta Ásgeir við sem tengil.

Ásgeir heldur úti stórskemmtilegu bloggi sem er afar ljóðrænt á köflum.

Kannski sæmi ég Ásgeir fálkaorðu Brútusar sem er heiðursmerki þessarar síðu.

Tengill á mig er fallin niður á OBBU. Ég er ekki ánægður og vaki og bíð í skotgröfunum.

|

laugardagur, mars 06, 2004

Ég hef verið spurður af allra flokka kvikindum í vikunni af hverju dómsmálaráðherra ætlar að styrkja sérsveit lögreglunnar um 30 manns. Margt er hægt að færa til bókar-sem skyrir þessa aukningu-en þau rök sem færð hafa verið fyrir þessu eru ekki sannfærandi-og síst þau sem ráðherrann færði fyrir máli sínu-.

Málflutningur svo sem að ráðherrann sé mikill aðdáandi Bruce Willis og sé að skapa sveit slíkra manna, að ráðherrann hafi lengi vel langað að ganga um í einkennisbúning með korða og fallbyssu, að ríkislögreglustjórinn hafi grátbeðið um að fá fleiri menn í einkaher sinn, að ráðherrann sé að setja á fót íslenskan her-allur þessi málflutningur er einhvern veginn hálfhjákátlegur.

Skýringa þarf frekar að leita í lífsskoðunum og uppeldisaðstæðum ráðherranns. Þegar ráðherrann var milli tektar og tvítugs var sami tími og Kúbudeilan geisaði, Svínaflói, Varsjárbandalagið- og kalda stríðið var í hámarki-. Af þeim sökum gerðist ráðherrann væntanlega hatrammur stuðningsmaður NATO og þoldi ekki kommúnista. Einu sinni á ári þrömmuðu þessi óféti til Keflavíkur og bauluðu á kanann að koma sér heim og réðust á það eina sem skildi á milli lýðræðis og frelsis annars vegar og ráðstjórnar og áætlunarbúskapar hins vegar.

Sú saga er sögð einhvers staðar að Brynjólfur Bjarnason formaður Sósíalista og kommúnista hafi ekki viljað umgangast Stefán Jóhann Stefánsson formann Alþýðuflokksins umfram það sem nauðsynlegt var-og þó voru þeir skólabræður og félagar í menntaskóla. Einhverjum fannst þetta undarlegt og spurði Brynjólf ástæðu þessa og svaraði þá Brynki: ,, Maður umgengst þá menn í lágmarki sem maður þarf að taka af lífi eftir byltinguna".

Og erum við ekki hér komin að kjarna málsins. Óttast ráðherrann um öryggi sitt? Veit hann kannski ekki að kommúnisminn er liðinn undir lok?

Ráðherrann veit að verði uppreisn kommúnista í landinu yrði öryggi hans verulega ógnað. Og er þá nokkuð óeðlilegt við það að styrkja sérsveit lögreglunnar sem þá yrði eina varnarlína frelsisins gegn kommúnisma og helsi eða hryðjuverkum Ósama, Hússein og Arafat?

Hitt er svo annað mál hvort einhver hætta stafi af kommúnistum eða hryðjuverkum eða Ósama eða Arafat eða Hússein hér á landi? Og er þessi kenning mín nákvæmlega eins hemskuleg og allar aðrar kenningar og hugmyndir sem settar hafa verið fram um ástæður ráðherrans fyrir fjölgun í sérsveit lögreglunnar.
|

miðvikudagur, mars 03, 2004



You're Iceland!

Most people think you're a cold and forbidding person, but
you're actually naturally warm and inviting.  People just get scared off
by what other people have led them to believe about you.  You keep to yourself
for the most part, and are pretty good at fending for yourself, especially if
water's involved.  More people should visit you and find out the truth.

size="2" face="Times New Roman">Take the href="http://bluepyramid.org/ia/cquiz.htm">Country Quiz at the href="http://bluepyramid.org">Blue Pyramid



Niðurstaða þessa prófs sannar, svo ekki verður um villzt, hvað þau eru hrikalega asnaleg. Ég náði að verða Ísland í 6. tilraun, eftir að hafa verið Kanada, Svíþjóð, Rússland, Noregur, Þýskaland ( spurningin: ,, Have you aver got back together with an ex" leiddi til þess að ég varð Þýskaland) og svo loks Ísland. Niðurstaða: Þú svarar þessum prófum þangað til að þú færð þá niðurstöðu sem þú vilt. ISS.

Í öðrum fréttum er lítið, nema nóg er að starfa og gera í lífinu á þessum síðustu og verstu tímum sem er afar fínt og ekki spillir að hafa skemmt sér eins og herforingi um síðustu helgi, bæði föstudags og laugardagskvöld.

Í þessari viku er markmiðið að kaupa sér kött og gullfisk og hefja ,,Survivor" í Espigerðinu.....

það eru bara ekki alltaf jólin

Hallelujah




|

This page is powered by Blogger. Isn't yours?